SuperDizionari

vierzi i voi loc.v.

Tal sens leterâl, vierzi lis palpieris, fâ che i voi no stedin sierâts

esemplis

"e siarà i voi e dome chel sens strani di bielece lontane i restave fis tal cjâf, restivît, testart, e al jere come un malstâ. E tornà a viarzi i voi"

gjavât fûr di "La aghe da pît la cleve" di Dino Virgili

vierzi i voi loc.v.

Sveâsi

esemplis

"jo no rivavi adore di vierzi i voi: Signôr ce sium!"

gjavât fûr di "Il burlaç" di Pieri Menis

"al sunà il svearin, jê e viarzè i voi"

gjavât fûr di "Fûr di timp" di Jolanda Mazzon

vierzi i voi loc.v.

Nassi

esemplis

"cussì, sierade cjase in citât, une zornade e rivà ancje jê in chel cjason scûr là jù dongje il flum dulà che setante agns prime e veve vierts i voi"

gjavât fûr di "Il tesaur di done Cheche" di Pieri Menis

vierzi i voi loc.v.

Stâ ben atent a ce che al sucêt (fig.)

sinonims

stâ in vuaite

esemplis

""Vuei fevelâigji jo, cumò. Dulà ise?" "No, Meni, lassìn stâ; si podarès fâ piês! Sietìn… viarzìn i voi … Meni" "No, no, vuei fevelâi subite. Dulà ise?""

gjavât fûr di "Ninenane" di Bruno Paolo Pellarini

vierzi i voi loc.v.

Rivâ a capî, a jessi cussient di alc che prime no si capive (fig.)

sinonims

sveâsi, scjalterîsi

esemplis

"a son vignudis in lûs tantis carognariis, tantis sporcjariis e tantis falsetâts, che ancje i plui grancj dordei a varessin vût di viarzi i voi"

gjavât fûr di "Il manarin tal cûr" di Josef Marchet

"ce che plui i steve a cûr, nol jere che il so pinsîr al fos cognossût lontan di culì, ma che i furlans a vierzessin i voi , a respirassin il lôr aiar culturâl, a cjapassin cussience, a cuistassin dignitât"

gjavât fûr di "Par onorâ pre Antoni e continuâ la sô vore tal so spirt" di Glesie Furlane, La Patrie dal Friûl

vierzi i voi loc.v.

Fâ capî

sinonims

digjanâ, discjantâ, disincjantâ, scjalterî

esemplis

""E jo ti ringrazii di vêmi viarts i voi su cheste vergogne che sporcje la mê cjase!""

gjavât fûr di "Amôr in canoniche" di Bruno Paolo Pellarini

""Jo vuei viarziti i voi, e no vuei che tu vebis di mangjâ pan pentît!""

gjavât fûr di "A ogni cost" di Vittorio Vittorello

monolengâl